13. nóvember 2009 09:26 (1 lesandi hefur sagt álit sitt.)
Brynja Bjarnfjörð
Brynja Bjarnfjörð er bókmenntafræðingur, sjúkraliði og nemi, tvíeggja tvíburi í tvíburamerkinu „með klofin persónuleika og menntaáhuga“ að eigin sögn.
Síðasta bók sem hafði áhrif:
Aldrei aftur meðvirkni – afskaplega holl og góð lesning fyrir stjórnsaman meðvirkil.
Kvikmynd sem snerti taug:
The Notebook – grét yfir henni og hugsaði til alzheimerssjúklinganna sem ég var að annast á þeim tíma.
Hver leikur aðalhlutverkið í ævisögunni?
Tinna Gunnlaugsdóttir mun ná að túlka fegurð mína og dramatíska tilvist.
Hvaða plötu á lesandi að setja á fóninn á meðan hann les þetta?
Færeyska og íslenska tóna Friðriks Ómars og Jógvans og hugsa um hvernig þetta myndi lesast á færeysku.
Minnistæður kennari:
Guðbjörg Aðalbergsdóttir, íslenskukennarinn minn úr FS og núverandi skólameistari í Mosfellsbæ. Hún kveikti í mér bókmenntafræðiáhugann.
Hvaða lexíu lærðirðu síðast?
Að það sem þú segir niðri á Tanga verður komið upp í hverfi á undan þér.
Merkilegasti óuppgötvaði listamaðurinn?
Atli Rúnar Tómasson (ART) – frændi minn sem málar stórkostleg málverk um risaeðlur og börn þeirra.
Hvar er draumurinn?
Hann má finna í Bandaríkjunum í Mall of America. Bara að kaupa sér drauminn og lifa svolítið 2007.
Gott sparnaðarráð í kreppunni:
Ekki hræðast svínakjöt, skella sér á afsláttarkjötið í Krónunni.
Hver er eftirminnilegasta matarminningin?
Uppgötvun mín með að hræra jólaköku út í kaffi og borða með skeið. Amma Njóla var dyggur stuðningsmaður minn í þessum framkvæmdum þegar ég var 6 ára.
Hver er merkilegasti maður sem þú hefur dottið í það með?
Kvenkyns morðingi sem ég hitti á Grand Rokk forðum daga.
Hvað gerðirðu við peninginn sem frúin í Hamborg gaf þér?
Borgaði niður skuldir íslenska ríkisins og splæsti svo í heimsreisu fyrir mig og saumaklúbbinn.
Hvaða tónlist hæfir tímunum?
Ekkert rafmagnsvæl, bara klassíkerarnir með dramatískar sinfóníur.
Ef prump hefði lit, hvernig væri þitt?
Mitt prump væri fjólublátt með glimmeri.
ÁLIT LESENDA | |||
| |||