20. nóvember 2009 09:33
Vera Sölvadóttir
Vera Sölvadóttir starfar við kvikmyndagerð en hefur þó verið uppteknari við tónlist undanfarið með dúettnum BB&BLAKE, enda var fyrsta plata þeirra - samnefnd sveitinni - að koma út fyrir skemmstu. Með henni í sveitinni er Magnús Jónsson leikari og fyrrum Gus Gus söngvari.
Síðasta bók sem hafði áhrif:
La Maladie de la mort (The Malady of Death) eftir Marguerite Duras.
Kvikmynd sem snerti taug:
Soy Cuba eftir Mikhail Kalatozov og L'eclisse (Myrkvi) eftir Antonioni. Tökurnar eru hrein snilld í báðum myndum og Monica Vitti er dásamleg í seinni myndinni.
Hver leikur aðalhlutverkið í ævisögunni?
Litla systir.
Hvaða plötu á lesandi að setja á fóninn á meðan hann les þetta?
BB&BLAKE.
Minnistæður kennari:
Jói stærðfræðikennari sem kom mér í gegnum MH og kona sem kenndi mér um Amerískar bíómyndir í Frakklandi. Hún var alveg eins og Anjelica Huston í The Addams Family. Ég held að hún sé alvöru norn.
Hvaða lexíu lærðirðu síðast?
Að tíminn er naumur.
Merkilegasti óuppgötvaði listamaðurinn?
Ég hef ekki uppgötvað hana/hann enn.
Hvar er draumurinn?
Bara hér.
Gott sparnaðarráð í kreppunni:
Að eiga ekki bíl og nota sundkortið.
Hver er eftirminnilegasta matarminningin?
Þegar ég var pínd til að boða sojakjöt sem mér fannst ekki gott upp í sveit sem krakki.
Hver er merkilegasti maður sem þú hefur dottið í það með?
Ég lenti í þrítugsafmæli Chloe Sevigny með vinum mínum fyrir nokkrum árum. Þar var voða mikið af frægu fólki. Okkur vinunum þótti það afar merkilegt þá...
Hvað gerðirðu við peninginn sem frúin í Hamborg gaf þér?
Gaf út plötu.
Hvaða tónlist hæfir tímunum?
BB&BLAKE og öll sú tónlist sem fólki langar til að hlusta á.
Ætlar þú að gefa einhverjum BB&BLAKE plötuna í jólagjöf?
Já það ætla ég svo sannarlega að gera.