4. desember 2009 11:28
Birta Fróðadóttir
Birta Fróðadóttir er arkitekt, búsett í Kaupmannahöfn. Hún hefur starfað við kvikmyndagerð síðastliðið ár og frumsýndi í október heimildamyndina Rajeev Revisited. Myndin fjallar um aðra ferð Birtu til Indlands, að þessu sinni í brúðkaup Rajeevs æskuvinar hennar. Myndin er sjálfstætt framhald heimildamyndarinnar Leitin að Rajeev sem Birta gerði ásamt Rúnari Rúnarssyni árið 2002. Hún er sýnd í Regnboganum og síðasti sýningardagur er einmitt í dag, föstudag.
Síðasta bók sem hafði áhrif:
The Tibetian Book of Living and Dying eftir Sogyal Rinpoche, bók sem gefur algerlega nýja sýn á tilveruna.
Kvikmynd sem snerti taug:
Heimildamyndin Wild Combination eftir Matt Wolf, fjallar um ævi tónlistarsnillingsins Arthur Russel og uppáhaldsmyndin mín, Don´t Come Knocking eftir Wim Wenders.
Hver leikur aðalhlutverkið í ævisögunni?
að sjálfsögðu Grace Jones.
Hvaða plötu á lesandi að setja á fóninn á meðan hann les þetta?
Lazare með Principles of Geometry og þú kemst í elektrónískt bliss.
Minnistæður kennari:
Anthony Dubovsky við Berkeley háskóla, gráskeggjaður gyðingur með banjó í annari hendi og ávalt tómt rauðvínsglasið í hinni. Hann kenndi Songs and Places sem gékk út á að teikna og mála út frá Amerískum blús og þjóðlagatónlist ... og drekka rauðvín.
Hvaða lexíu lærðirðu síðast?
Yfirþyrmandi þakklæti fyrir að vakna á hverju degi hraust og heilbrigð. Einnig hef ég nýlega lært að ekki er æskilegt að leggja af stað í langt ferðalag föstudaginn 13.
Merkilegasti óuppgötvaði listamaðurinn?
Bjartur Konungur.
Hvar er draumurinn?
Kemst ekki að því fyrr en hann rætist.
Gott sparnaðarráð í kreppunni:
Nota Morgunblaðið sem skeinispappír.
Hver er eftirminnilegasta matarminningin?
Að tyggja hálfdauð hornsíli í sushi á færibandi í Tókýó.
Vinnurðu að bók um ástæður og afleiðingar hrunsins?
Nei, hvorki bók né mynd.
Hver er merkilegasti maður sem þú hefur dottið í það með?
Tveir ónefndir afar prúðklæddir menn, annar trommuleikari og hinn skáld sem gömnuðu sér við að lyfta bíl á þversum yfir þrönga götu í Kaupmannahöfn, svo bíllinn (sem var í eigu fatlaðs einstaklings) hvorki komst áfram né afturábak.
Hvað gerðirðu við peninginn sem frúin í Hamborg gaf þér?
Hætti á atvinnuleysisbótunum og fór í ferðalag mörgum sinnum í kringum hnöttinn.
Hvaða tónlist hæfir tímunum?
Hamfarir með Gunnari Jökli.
Hvað er spennandi að gerast í kvöld?
SÍÐASTA SÝNING á heimildamyndinni RAJEEV REVISITED í REGNBOGANUM KL 18. Einstakt tækifæri til að sjá þessa ljúfsáru mynd um vináttu sem nær yfir heimshöf og ólíka menningarheima.